Novan - Pop Minang Exclusive

GalauCipt. Nedi Gampo
Laruik SanjoCipt. Asbon
Rusuah HatiCipt. Yusaf Rahman
Lansek ManihCipt. Nuskan Syarif
Lintuah Cipt. Ibenzani Usman
Rang TaluCipt. Syofyan Arifin
Bareh Solok Cipt.Nuskan Syarif
Sayang Tak Sudah Cipt.Anas Yusuf

GALAU

Den tahankan galau dihati
Denai diam adiakpun diam
Dima kusuik kasalasai

Mano kini sapo manjo
Gurauan sayang lah lamo hilang
Malang badan

Nyato kironyo kini adiak baraliah hati
Malang bana untungnyo badan
Denai adiak lukoi disaik diasami
Padiah bana indak tatahan

Tikan sajo jantuangko
Bia nak tak banyao
Galau hati nan luko
Bia nak hilang

Manga cinto mambari janji
Manga janji nan malukoi
Sakik hati didutoi

Hilang sayang hilanglah rindo
Lain dibibia lain dihati
Tinggalah janji

Ondeh-ondeh lah laruik sanjo

Mandi kalubuak mandalian
Udang disangko tali-tali
Mabuak untuang jo parasaian
Patang disangko pagi hari

Ondeh-ondeh lah laruik sanjo

Lai den timbo banda padang
Biluluak juo nan tatimbo
Lai den cubo nan bak urang
Nan buruak juo nan tasuo

Ondeh-ondeh lah laruik sanjo

Hari baransua pagi
Marai alah bakicau
Rusuahnyo malah hati
Adiak kanduang bilo maso kabatamu

Dasia aia mangalia
Mambaok denai sansai
Maliek adiak manangih
Antah dek apo lah sabab karanonyo

Jikok adiak mandanga
Bunyi lagu sayuik2 sampai
Itulah kaganti
Niaek hati manyampaikan salam rindu

Denai baibo hati
Iyo baibo bana
Maliek adiak bamanuang
Sambia duduak manangih surang diri

Nan urang tanjung barulak
Barulak barulai pulo
Den etong lansek nan masak
Nan busuak tinggal diambo
Iko tukuak iko tambah
Paragiahnyo perai sajo

Si satu satulah duo
Si tigo diguguak dulang
Ko lansek buliah dicubo
Kok masam babaliak pulang

Nan ampek dibalah ampek
Nan limo bilangan jari
Ku bukan sumbarang lansek
Sijunjuang lanseknyo manih

Rang mudo-mudo nak pagaruyung
Tingganyo nan jauah diateh bukik
Batutuah kato pantang manyiguang
Tagah dek suratan yon an paik

Lintuah hati den lintuahlah lintuah 2x

Di gadih-gadih urang sungayang
Basonya katuju nan elok budi
Pandai sirek jo tatiang manatiang
Nan pandai mamikek jantuang hati

Lintuah hati den lintuahlah lintuah 2x

Di sanak sudaro soparinduan
Patenggangkan juo patenggangkan
Tibo karuah nan tak tajaniahkan
Patenggangkan juo patenggangkan

Rami yo rami pasa rang talu
Kami dek anak si urang kajai
Dimalah hati indak karindu
Sadang basayang badan bacarai

Yo rang talu
Den takana you rang talu

Cincin di jari iyo suaso
Tagah dek pandai malenggokan
Hati jo jantuang nan lah binaso
Tagah dek pandai mambaokan

Yo rang talu
Den takana yo rang talu

Satingga jalan iyo lah luruih
Basimpang jalan kabatang ungkai
Basaba badan mangkanyo kuruih
Banyak mukasuik nan indak sampai

Yo rang talu
Den takana yo rang talu

Bareh solok tanak di dandang
Dipagatok ulam pariyo
Bunyi kulek cando badendang
Dek ditingkah ondeh mak sisam balado

Urang sumpu jalan barampek
Di singkarak singgah dahulu
Bareh baru makan jo panggek
Indak nampak ondeh mantuo lalu

Bareh solok bareh tanamo
Bareh solok lamak rasonyo

Hm…Hm…Hm…Hm…
Taluak bayua ikan nyo jinak
Baok mamapeh
Baok mamapeh nan dari sampan

Ayam sikua
Musangko banyak
Raso kalapeh
Nan dari tangan

Hm…Hm…Hm…
Rang pariak putuih
Balapau rendah
Mambaok balam

Kasiah putuih 2x
Sayang tak sudah
Lauik nan dalam 2x
Nan dihadangnyo