Ian Anas & Elly Kasim - Duo Minang terpopuler 2
Kasiah Tak Sampai Cipt. Syahrul Tarun Yusuf
Andam Sarasah Cipt. Masroel Mamuja
Tinggallah Denai Manangguangkan Cipt. Ian Anas
Kabau Padati Cipt. Syahrul Tarun Yusuf
Janji Dalam Rasian Cipt. Rustam Rascani
Taragak Pulang Cipt. Ian Anas
Rabab Cipt. M. Gaus
Buruang Jo Pikek Cipt.Syahrul Tarun Yusuf
Pasan Buruang Cipt.Nuskan Syarif
Nan Kanduang Cipt.Atmajar Idris
KASIAH TAK SAMPAI Cipt: Syahrul Tarun Yusuf
Malang bacintang bacinto bintang jo bulan
Kasiah digungguang dek matohari
Bia bacarai nyawo jo badan
Putuihlah tali jantuang jo hati
Cito ka uda den baok mati
Kadalam tanah maik bakubuo
Datang malaikat nan batanyo
Apo kadayo yon an takana
Kasiah ka uda nan indak sampai
Cinta den indak ado duo nyo
Cito den hanyo ka uda surang
Bia mangamuk topan jo badai
Cinto den indak ado duo nyo
Bila didunia kasiah ndak sampai
Yo di achiraik den nanti juo
Uda den nanti dalam sarugo
Cinto den indak ada duo nyo
ANDAM SARASAH Cipt: Masroel Mamudja
Andam sarasah pautan hati
Uda kanduang di denai hm…mmmmhmm
Di aia tajun andam mangaduak
Sampai dikutuak dek ula cindai
Andam iyo lah lama mamikek hati denai
Kini tibo masonyo kasiah dimulai
Marilah kito samo bajanji
Janji sahiduik jo samati
Cinto kito indak sio-sio
Rindulah lamo nan bakanduangkan
Andam sarasah paciklah denai
Bia tapauik janji didada
TINGGALLAH DENAI MANANGGUANGKAN Cipt: Ian Anas
Dek ulah cinto de ulah cinto denai tadayo
Den sangko ameh den sangko ameh kironyo loyang
Yo pandai bana oi diak kandung bamain raso
Kasiah den pupuak adiak tanam diladang urang
Lai den tahu pasan mande jo ayah kanduang
Hati jo jantuang, indah mamuah dibujuak lai
Dek ulah loyang nan tacinto sansaro
Tinggalah denai tinggalah denai nan manangguangkan
KABAU PADATI Cipt: Syahrul Tarun Yusuf
Panek manurun jo mandaki
Malaleh kuduak dek bapasangan
Batanyo lah kabau nan kapadati
Jauah kik laii parantian
Dikampuah karajo maelo bajak
Pai marantau maelo padati
Kironyo batuka baruak jo cigak
Hiduang ndak lapeh dari tali
Elo take elo alah den elo
Pungguanglah habis ondeh mamak kenai palacuik
Cubo den cubo alah den kao
Ndeh samo sajo dapek makan panyambuang hiduik
Ondeh nasib bakcando kabau padati
Iyo malang nasibnyo kabau padati
JANJI DALAM RASIAN Cipt: Rustam Rascani
Kambanglah bungo ditapi lauik
Bungo rang tiku ditangah laman
Ndeh jago lalok badan takajuik
Janji dibuek dalam rasian
Denai nan datang yo dari jauah
Mamatiak bungo yo nan satangkai
Iyo lah mimpi sabana sungguh
Uda saurang caminan si badan denai
Reff : Adiak kajadi si anak daro
Uda kajadi yo kanduang marapulainyo
Di pakai suntiang yo tigo lenggek
Uda baroki diak karih di pinggang
Takekeh galak rang gaek-gaek
Denai takajuik dek malu hari tlah siang
TARAGAK PULANG Cipt: Ian Anas
Sayuik tadanga bansi gumbalo
Tangiang tangih anak kanduang denai tinggakan
Manyasok rindu didalam dado
Taragak pulang badan jauah apa kadayo
Kok isuak untuang laii kamujua
Sabalah sayang ayah laii kapulang juo
Kok nyampang takadia buruak nan tibo
Relakan ayah oi nak kanduang jagolah bundo
Ondeh nak kanduang sibirang tulang
Usah tagamang sarah diri ka nan kuaso
Jo cinto ayah usahlah ragu
Bumi jo langik oi nak kanduang jadi saksinyo
Sayuk tadanga bansi gumbalo
Taniang tangih anak kanduang denai tinggakan
Manyasok rindu didalam dado
Taragak pulang badan jauah hiduik sansaro
RABAB Cipt: M.Gaus
Babunyi rabab yo tuan ditangah hari ondeh
Digesek anak digesek anak siurang lintau
Iyo basabab basabab kami banyanyi ondeh
Yo dek taragak yo dek taragak jo urang rantau
Ondeh rabab yo rabab tolong sampaikan
Urang rantau yo rantau lakeh lah pulang
Jalan kureta kureta ka paya kumbuah ondeh
Urang barangkek urang barangkek dihari akaik
Ondeh tuan oi tuan usah takabua ondeh
Urang di dunie urang di dunie banyak kiramaik
Ondeh rabab yo rabab tolong sampaikan
Urang rantau yo rantau lakeh lah pulang
BURUANG JO PIKEK Cipt: Syahrul Tarun Yusuf
Bak kato pikek oi buruang inggaklah ba’a
Sangkak lah lamo yo panek dek manantikan
Usah di arak oi pikek denai ka inggak
Ka baliak awan denai tabang manggajuju
Tinggi tinggi siburuang tabang
Banyanyi sambia badendang
Epikek cubolah pikek
Oi pikek pikek pikeklah
Tujuah lapisan langik jo awan manutuik
Namun jo asok den baru kadapek juo
Jiko dilangik den iduik diseso juo
Kadalam laik den lari kapusek bumi
Tinggi tinggi siburuang tabang
Banyanyi sambia badendang
Oi pikek cubolah pikek
Oi pikek pikek pikeklah
Baraka dalam manyuruak kapusek bumi
Tujuh baleh tambilang nan manggalikan
Jikok coitu oi uda karehnyo hati
Kasiah sayang uda nan indak den ragukan
Mari kasiah marilah sayang
Banyanyi kito badendang
Mamadu kasiah baduo
Kito singgah di sarugo
Bia urang indak picayo
Yo dunie kito nan punyo
Takama kasiah kalari
Marilah ka angku kali
PASAN BURUANG Cipt: Nuskan Syarif
Manangih bapisah batang nan jo ureknyo
Rantiang jo daun indak badayo indak badayo
Taragak mandanga kicau si buruang murai
Lah tabang jauah mambaok untuang yolah sansai
Usah tabang sumbarang tabang
Jikok lai takuik datang galodo
Urang kampuang sawah jo ladang
Nan taniayo
Danga pasan si buruang buruang
Tolonglah kami nan lamak nangko
Rimbo tampek kami balinduang
Jan di tabang juo
Taragak madanga kicau siburuang murai
Lah tabang jauah mambaok untung iyo lah sansai
NAN KANDUANG Cipt: Atmajar Idris
Jikok nak tau kito kamanyasa
Elok malah indak kito kamuaro
Ondeh nan kanduang oi
Jikok nak tau kito kabapisah
Elok malah indak kito kak basuo
Ondeh nan kanduang oi
Tinggilah tinggi sigunuang kurinci
Tampaklah nan dari simpang koto ranang
Ondeh nan kanduang oi
Sadiahlah bana hati rang nan paii
Padiah malah hati kami rang nan tingga
Ondeh nan kanduang oi
Kambanglah bungo ditapi lauik
Bungo rang tiku ditangah laman
Ndeh jago lalok badan takajuik
Janji dibuek dalam rasian
Denai nan datang yo dari jauah
Mamatiak bungo yo nan satangkai
Iyo lah mimpi sabana sungguh
Uda saurang caminan si badan denai
Reff : Adiak kajadi si anak daro
Uda kajadi yo kanduang marapulainyo
Di pakai suntiang yo tigo lenggek
Uda baroki diak karih di pinggang
Takekeh galak rang gaek-gaek
Denai takajuik dek malu hari tlah siang